Krisiaren irtenbidea Euskal Herrian eraiki behar dugu

                                         LAB sindikatuak agerraldia egin du gaur Martxoaren 29ko greba orokorrera deituz. Ainhoa Etxaide, LABeko idazkari nagusiak, PPk onartutako lan erreformak ekarriko dituen ondorio larriak aztertu eta honi aurre egiteko bide bakarra mobilizazioa dela azpimarratu du. Etxaideren hitzetan "ez dago herritarrei bizkarra emanez eraiki daitekeen irtenbiderik". Irtenbidea "euskal eragileon eskutik, euskal herritarren borondatea eta eskaerak aintzat hartuz" eraiki behar dela gaineratu du. Martxoaren 29ko greba orokorra Euskal Herrian bide propioa egitea ekarriko duten erabaki eta iniziatiba berriak hartzeko greba izango dela azpimarratu du.